Спорт жаңалықтары 
"Жеңіс күні - жүректе": Өскемендік ҰОС ардагері Михаил Головатюктің өмір жолы
Сурет: Zakon.kz/Кира Мороз
Соғыс ұрлаған балалық шақ
Михаил Яковлевич 1927 жылдың 15 қазанында Иркутск облысындағы Кутулик ауылында дүниеге келген. Оны 1943 жылы, бар болғаны 16 жасында, еңбек армиясына шақырды. Басқа жасөспірімдермен бірге ол теміржол салуға аттанды – Иркутскіден Байкалға дейін.
Сурет: батырдың жеке мұрағатынан
"Бірінші кезекте асфальт жолды салдық, кейін рельстер үшін жерді үйіп бастадық. Алайда, сол уақытта су тасқыны болып, бізді жағалауды нығайтуға жіберді. Жұмыс өте ауыр болды, – деп еске алады Михаил Яковлевич. – Біз күрекпен жұмыс істедік. Оған ешкім наразы да болмады – біз Жеңісті тек осылай ғана жақындата алатынымызды білдік".
1944 жылдың қараша айында, ол 17-ге толмаса да әскерге шақырылды. Михаилды 579-шы атқыштар полкіне Қиыр Шығысқа жіберді. Мұнда ол автоматшы болып қызмет атқарды. Еуропадағы негізгі әскери іс-қимылдар аяқталып жатқанымен, Михаилдің алдында жаңа міндет тұрды – милитаристік Жапонияға қарсы Маньчжуриядағы стратегиялық шабуылдауға қатысу.
Маньчжуриялық операция Екінші дүниежүзілік соғыстың ең жылдам әрі табысты әскери шайқастардың бірі болды. Бірақ ол үшін үлкен күш жұмсалып, 12 мыңнан астам кеңестік сарбаздың өмірі қиылды. Михаил Яковлевич осы қан майданда аман қалды.
Сурет: батырдың жеке мұрағатынан
Бейбіт өмір
Соғыстан кейін Михаил Яковлевич үйіне оралып, үйленіп, 1951 жылы Өскемен қаласына көшіп келді. Мұнда оның өмірінің жаңа кезеңі – еңбек жолы басталды.
Ол қорғасын-мырыш зауытында балқытушы болып жұмысқа орналасты, мұнда 30 жыл бойы еңбек етті.
"Осы жерде мен 35 жыл жұмыс істедім. Газдар мен бу, маған тек пайда тигізген тәрізді", – деп күле еске алды ардагер.
Еңбек ерлігі үшін Михаил Яковлевич "Құрметті металлург" атағына ие болды. Оның Шығыс Қазақстан өнеркәсібінің дамуына қосқан үлесі зор. Әрине, ардагердің кеудесінде соғыс наградалары да жарқырап тұр – Отан соғысы ордені II дәрежелі, Слава ордені, Ленин ордені, Жапонияны жеңгені үшін медальі.
"Әр награда мен үшін – тірі естелік. Соғысқан, жоғалтқан, және Жеңіске қуана бірге жеткен жандардың естелігі", – дейді Михаил Яковлевич, ескі ордендерді ерекше жылулықпен қолына ала отырып.
Сурет: Zakon.kz/Кира Мороз
Жеңіс күні – жүректе
Михаил Яковлевичке Жеңіс күні ол үшін қандай мағына беретінін сұрағанда, ол қарапайым және шынайы жауап береді.
"Қуаныш. Шынайы қуаныш. Және тағдырға алғыс – аман қалғаным үшін, бейбіт өмірді көргенім үшін", – дейді ол.
Бүгінде Шығыс Қазақстанда Ұлы Отан соғысының тек 13 ардагері ғана қалды. Әрқайсысы – бұл тарихтың тірі куәгері және шынайы бейбітшілік бағасын білетін адамдардың рухының ұлы күші.
