Астанада үш ересек адам мен бір нәресте лифт ішінде қалып қойды

Астаналық құтқарушылар лифт ішінде қалып қойған адамдарға көмектесті, деп хабарлайды Zakon.kz.

Бүгін, 9 мамырда Нұра ауданында Тұран даңғылында орналасқан сауда үйлердің бірінде үш ересек адам мен бір нәресте лифт ішінде тұрып қалды. 

Шақыру орнына жеткен құтқарушылар гидравликалық құралдардың көмегімен лифт есігін ашып, адамдарға шығуға көмектесті. Ешкім медициналық көмекке мұқтаж болған жоқ.

ТЖМ лифтіде тұрып қалғанда келесі ережелерді ұстану керек екенін ескертті:

• өзіңіз алаңдамаңыз және көршілеріңізді тыныштандырыңыз;
• диспетчерге хабарласыңыз;
• барлық түймені қатарынан баспаңыз;
• лифт есіктерін өзіңіз ашуға тырыспаңыз;
• барлық сыртқы байланыс арналарын пайдаланыңыз.