"Семей орманы" аумағынан көшеттерді ұрлаған екі тұрғын 5 жылға сотталып кетті

Абай облысы Бесқарағай ауданында 260 мыңнан астам көшеттің ұрланғаны анықталды, деп хабарлайды Zakon.kz polisia.kz-ке сілтеме жасап.

Абай облысы прокуратурасының үйлестіруімен Бесқарағай ауданы аумағында Абай облысы полиция департаменті ұйымдасқан қылмысқа қарсы күрес басқармасының қызметкерлерімен жедел-іздестіру іс-шарасы жүргізілді.

Нәтижесінде "Семей орманы" аумағынан құны 519 млн теңгеден асатын 260 мыңнан астам көшеттің жасырын ұрланғаны анықталды.

Курчатов қалалық соты екі жергілікті тұрғынды бес жыл бас бостандығынан айыру жазасына кесті. Мүліктері тәркіленбейді.