Алматы облысында оқушы сыныптасын өлтірді деген күдікпен ұсталды

Алматы облысында оқушының өліміне қатысты тергеу жүріп жатыр. Қылмысты жасады деген күдікке оның сыныптасы ілінді, деп хабарлайды Zakon.kz.

Белгілі болғандай, екі бала да 11-сыныпта оқыған. Күдікті анықталып, ұсталып, уақытша ұстау изоляторына қамалды.

"Жасөспірімнің заңды өкілдері бала тәрбиесінде өз міндеттерін дұрыс орындамағаны үшін әкімшілік жауапкершілікке тартылды. Сонымен қатар, полиция тарапынан Білім басқармасына құзыреті шегінде шара қолдану үшін ұсыныс жолданды", - деді облыстық полиция департаментінің баспасөз қызметі.

Қазір құқық қорғау органдары қылмыстың барлық мән-жайын жан-жақты зерттеу мақсатында қажетті тергеу әрекеттерін жүргізіп жатыр.