Астанада есірткі саудасымен айналысқан ер адам ұсталды

Астана полиция департаменті жедел уәкілдері прокуратурамен бірлесіп 47 жастағы ер адамды ұстады. Оның пәтерінен екі келіден астам есірткі табылды, деп хабарлайды Zakon.kz.

Тінту барысында электронды таразы, 87 мың АҚШ доллары, 10 мың еуро және 3,5 миллион теңге көлемінде қолма-қол ақша табылды.

"Тергеу барысында ер адамның есірткіні сатып алушылармен жеке кездесіп, қолма-қол түрде сатқаны және төлемді тек қолма-қол қабылдағаны анықталды. Сараптама бұл есірткі затының гашиш екенін көрсетті, бұл қылмыстық әрекеттің ауқымын дәлелдейді", - делінген полиция таратқан хабарламада.

Қылмыстық іс қозғалды. Күдікті өз кінәсін мойындады және уақытша ұстау изоляторына қамалды. Тергеу жүргізіліп жатыр.