Көкшетауда тауда жасөспірім жарақат алды

Ақмола облысындағы туристік аймақта жасөспірім тау басында аяғын жарақаттап алды. Оған құтқарушылар көмекке келіп, ауруханаға жеткізді, деп хабарлайды Zakon.kz.

ТЖМ баспасөз қызметінің мәліметінше, оқиға Абылай хан алаңы маңындағы Көкшетау тауында болған. Оқиға орнына жеткен құтқарушылар 2009 жылы туған жасөспірімді эвакуациялаған.

"Тау етегіне түсу кезінде жасөспірім аяғын тайдырып алған және әрі қарай жүре алмаған. Оқиға орнына төрт адамнан тұратын құтқару тобы жетті", - делінген ақпаратта.

Зардап шеккен жасөспірімге әуелі алғашқы медициналық көмек көрсетілген. Кейін тау бөктерінен түсірілген соң ол жедел жәрдем бригадасына тапсырылып, толық тексеруге және емдеуге жіберілді.

Төтенше жағдайлар министрлігі табиғи және таулы аймақтарға барғанда қауіпсіздік ережелерін сақтаудың маңызын ескертті.