Алматыда қандаланың көбею себебі - әкімдік жауабы

Алматыда жөке қандаласына қарсы өңдеу жұмыстары жалғасуда, деп хабарлайды Zakon.kz.

Әкімдік ақпаратына сүйенсек, қалада жөке қандаласының (халық арасында — "сасық қандала") жаппай таралуына қарсы жасыл желектерге жүйелі биологиялық өңдеу жүргізілуде.

"Қандалалардың көбеюінің басты себебі — ауа райының қолайлы жағдайы: салқын көктем мен кенет ысыған ауа температурасы (+35 °C дейін) олардың көбеюіне қолайлы орта қалыптастырды",- делінген ақпаратта.

Әкімдік жұмыстар күн сайын таңертең және түнгі уақытта жүргізілетіндігін атап өтті. Адам мен жануарлар үшін қауіпсіз биологиялық құралдар қолданылады.

Деректерге сүйенсек, биологиялық өңдеу кезеңдері:

• 1-кезең — сәуірде аяқталды
• 2-кезең — 1–30 маусым аралығында өтуде
• 3-кезең — 5 шілде — 5 тамыз
• 4-кезең — 15 тамыз — 20 қыркүйек

"Жыл басынан бері 2,3 миллион ағаш өңделіп, тұрғындардан 2 мыңнан астам өтініш қабылданды. Қазір шағымдар саны азаюда". Алматы қаласы әкімдігі

Бұған дейін Астана тұрғындарына көшедегі жөндеу жұмыстарына байланысты маңызды ескерту жасалғаны хабарланған болатын.