Тоқаев ҰҚК-нің Сыбайлас жемқорлыққа қарсы іс-қимыл қызметінің директорын тағайындады

Президент Қасым-Жомарт Тоқаев ҰҚК-нің Сыбайлас жемқорлыққа қарсы іс-қимыл қызметінің директорын тағайындады, деп хабарлайды Zakon.kz.

Бұл туралы Ақорданың баспасөз қызметі хабарлады.

"Мемлекет басшысының өкімімен Нұржан Маратұлы Құсайынов Қазақстан Республикасы Ұлттық қауіпсіздік комитетінің Сыбайлас жемқорлыққа қарсы іс-қимыл қызметінің директоры лауазымына тағайындалды", - делінген құжатта.

2025 жылғы 30 маусымда Қасым-Жомарт Тоқаев "Мемлекеттік басқару жүйесін жетілдіру шаралары туралы" жарлыққа қол қойды. Құжатқа сәйкес, Президент Антикорды Қазақстан Республикасының Ұлттық қауіпсіздік комитетіне қосу арқылы қайта құруды тапсырды.