Алматы облысында өртеніп жатқан пәтерден әйел адам құтқарылды

Бүгін, 2025 жылғы 28 шілдеде, Алматы облысы ТЖД жедел қызметтеріне Іле ауданына қарасты Өтеген батыр ауылындағы көпқабатты тұрғын үй пәтерінен өрт шыққаны туралы хабарлама түсті, деп хабарлайды Zakon.kz.

Оқиға орнына өрт сөндіру бөлімшелері жедел жетті. Олар үшінші қабаттағы пәтердің бөлмесі мен балконының бір бөлігінде өрт шыққанын анықтады.

«Төтенше жағдайлар қызметкерлері құтқару қалпағының көмегімен бір адамды құтқарып қалды. Тағы 13 адам баспалдақ арқылы эвакуацияланды. Медициналық көмек қажет болған жоқ», – деп мәлімдеді ТЖМ өкілдері.

Сонымен қатар, пәтерден көлемі 27 литрлік газ баллоны дер кезінде шығарылды.

Өрт басқа бөлмелерге таралмай тұрып толық сөндірілді.

Өрттің шығу себебі анықталып жатыр.