Таразда жыл соңына дейін 11 шағын футбол алаңшасын салу жоспарланған

Тараз қаласында бүгінде дене шынықтыру мен бұқаралық спортты дамытуға ерекше екпін түсірілген, деп хабарлайды Zakon.kz.

Қазіргі таңда қала аумағында 510 спорт нысаны жұмыс істесе, оның 362-сі "Әулиеата", 148-і "Жібек жолы" ауданында орналасқан.

Биыл шаһарда 11 шағын футбол алаңшасын салу жоспарланған. Қазіргі таңда солардың 5-еуінің құрылысы аяқталса, 6 нысан бойынша жұмыстар әлі де жалғасын табуда.

Бұған қоса ағымдағы жылы 12 спорт алаңшасына қалпына келтіру көзделіп отыр. Оның ішінде Театральная №5, "Мыңбұлақ" шағынауданы, №21, "Қарасу" шағын ауданы, №8, "Алатау" шағынауданы, №35, "Танты" алқабы Маметов көшесі, №1, "Шайқорық" алқабы Қонаев көшесі, №19, "Қоңыртөбе" алқабы Күлтөбе көшесі, № 2, "Ақбұлым" алқабы Сарыбұлақ көшесі, №8 үйлердің аулаларындағы, "Денсаулық" саябағы мен "Қарасай" алқабындағы жұмыстар толығымен аяқталса, "Жайлау" шағынауданы мен №18, "Алатау" шағынауданы, №52 үйлердің аулалары бойынша мердігер анықталып, жөндеу жұмыстары басталды.

Сурет: Тараз қаласы әкімдігі баспасөз қызметі

Сонымен қатар, бұқаралық спортты дамытуға бағытталған ірі жобалардың бірі – "Ұлы Дала" (15) шағынауданындағы дене шынықтыру-сауықтыру кешенінің құрылысы. Бұл кешенді салу үшін Ш.Жандарбекова көшесі №31 учаскесінен көлемі 1,1278 гектар жер телімі бөлініп, ағымдағы жылдың І тоқсанында құрылыс жұмыстары басталды. Нысан құрылысы 2026 жылы тәмамдалады деп жоспарлануда.