Шетелге шығуға тыйымның бар-жоғын қалай тексеруге болады

Мерекелер қарсаңында көптеген азаматтар шетелге сапар жоспарлайды. Осыған байланысты, "Ұлттық ақпараттық технологиялар" мемлекеттік корпорациясы қазақстандықтарға шетелга шығуға тыйымның бар-жоғын анықтаудың оңтайлы жолын ұсынды, деп хабарлайды Zakon.kz.

Мамандар келесіні ұсынды:

"Шекарада мүмкін болатын қиындықтар мен шектеулердің алдын алу үшін шетелге шығуға тыйым бар-жоғын алдын ала тексеруге кеңес береміз".

Ақпаратқа сүйенсек, eGov.kz порталында және eGov Mobile мобильді қосымшасында шетелге шығуға тыйым салынғанын тексеруге арналған онлайн-қызмет қолжетімді.

Тексеру мынадай тізімдер бойынша жүргізіледі:

• шетелге шығуы шектелген борышкерлер тізілімі,
• атқару өндірісі бойынша борышкерлер тізілімі.

Қызметті eGov Mobile мобильді қосымшасында онлайн алу жолы:

• "Қызметтер" батырмасын басыңыз.
• "Саяхат, шетелде тұру және эмиграция" – "Шет елге шығуы шектелген, борышқорлар тізілімі және атқару өндірісі бойынша борышқорлар тізілімі бойынша шет елге шығуға тыйым салынғандығының бар болуын тексеру" қызметін таңдаңыз
• ЖСН/БСН еңгізіңіз.
• "Тексеру" батырмасын басыңыз.

Посмотреть эту публикацию в Instagram

Публикация от Egov.kz (@egov.kz)

"Қызметті алу мерзімі eGov порталында да, eGov Mobile қосымшасы арқылы да 15 минутқа дейін қолжетімді",- деп атап өтті мамандар.

Бұған дейін президенттің жер қойнауы туралы заңға қол қойғанын жазғанбыз.