ҰБТ-2026 сынағына қатысушыларға жағымды жаңалық жеткізілді

Қазақстанда Ұлттық бірыңғай тестілеу (ҰБТ) дайындығына арналған онлайн байқау сынағы жаңартылды, деп хабарлайды Zakon.kz.

Бүгін, 2026 жылы 5 қаңтарда ҚР Ғылым және жоғары білім министрлігі Ұлттық тестілеу орталығы осындай тамаша жаңалықпен бөлісті:

"Достар, ҰБТ-ға дайындыққа арналған онлайн байқау жаңартылғанын хабарлаймыз. Ақылы байқау сынағын app.testcenter.kz сайтында тапсыруға болады".

Ол үшін мыналар қажет:

• app.testcenter.kz сайтында тіркеліп, Жеке кабинетіңізге кіріңіз;
• "Байқау сынағы" бөлімін таңдаңыз;
• ары қарай "ҰБТ байқау сынағын" және "ONLINE байқау сынағын" таңдаңыз;
• "Тестілеу мүмкіндігін сатып ал" батырмасын басып, офертамен танысып, төлем жасаңыз.

Бұған дейін қаңтардағы ҰБТ-ға қанша абитуриент өтініш білдіргенін жазғанбыз.