Қазақстанда дәл қазір қандай жолдар жабық тұр

"ҚазАвтоЖол" ұлттық компаниясы 2026 жылғы 13 қаңтарда ауа райының қолайсыздығына байланысты бірнеше өңірде жол жабылғанын мәлімдеді, деп хабарлайды Zakon.kz.

2026 жылғы 13 қаңтар сағат 18:00-дегі жағдай бойынша ауа райының бұзылуына байланысты 3 облыстағы 21 республикалық маңызы бар автомобиль жолында дизель отынымен жүретін және қоғамдық көліктердің қозғалысына шектеу қойылған:

Солтүстік Қазақстан облысы

• барлық бағытта.

Ақмола облысы

• "Астана — Көкшетау — Петропавл — РФ шекарасы» автожолының 304-341 шақырым аралығы (Көкшетау қаласынан Солтүстік Қазақстан облысының шекарасына дейін);
• "Көкшетау – Кішкенекөл – Бидайық – РФ шекарасы" автожолының 14-50 шақырым аралығы (Көкшетау қаласынан СҚО шекарасына дейін);
• "Көкшетау — Рузаевка" автожолының 0-61 шақырым аралығы (Көкшетау қ. — СҚО шекарасы);
• "Астана — Атбасар — Жақсы — Рузаевка — Сарыкөл — Қостанай — РФ шекарасы" автожолының 856-915 шақырым аралығы (Жақсы елді мекені — СҚО шекарасы);
• "Жезқазған — Арқалық — Петропавл" автожолының 595-552 шақырым аралығы (СҚО шекарасы — Сұрған елді мекені).

Қостанай облысы

• "Астана – Атбасар – Жақсы – Рузаевка – Сарыкөл – Қостанай" 683-729 шақырым аралығы (Сарыкөл ауылы – СҚО шекарасы);
• "Мамлютка – Қостанай" автожолының 180-250 шақырым аралығы (СҚО шекарасы – Ұзынкөл ауылы).
• "Қостанай – Әулиекөл – Сұрған" автожолының 8-232 шақырым аралығы (Тобыл қаласынан Ақмола облысының шекарасына дейін);
  

Ал сағат 20:00-де Ақмола облысында ауа райының бұзылуына байланысты республикалық маңызы бар барлық бағыттағы автожолдарда жолаушылар тасымалдайтын рейстік автобустар мен дизель отынымен жүретін автокөліктердің қозғалысына шектеу енгізіледі.

Сондай-ақ 2026 жылғы 13 қаңтар сағат 20:00-де ауа райының бұзылуына байланысты келесі республикалық маңызы бар автожолдарда дизель отынымен жүретін және қоғамдық көліктердің қозғалысына шектеу қойылады:

Павлодар облысы:

• "Астана – Шідерті – Павлодар – Успенка – РФ шекарасы" автожолының 200-254 шақырым аралығы (Ақмола облысының шекарасынан Шідерті ауылына дейін).

Жетісу облысы:

• "Үшарал – Достық" автожолының 84-164 шақырым аралығында (Көктұма ауылынан – Достық стансасына дейін) көліктің барлық түрлерінің қозғалысына шектеу енгізілді.

Батыс Қазақстан облысы:

• "Атырау—Орал" 371-189 шақырым аралығы (Чапай елді мекенінен Атырау облысы шекарасына дейін) көліктің барлық түрлерінің қозғалысына шектеу қойылады.
• "Атырау—Орал" 371-492 шақырым аралығы (Чапай елді мекенінен Орал қаласына дейін)
• "Чапаев-Жалпақтал-Казталовка-РФ шекарасы» автомобиль жолының 0-201 шақырым аралығындағы учаскесі (Чапай елді мекенінен Казталовка елді мекеніне дейін); жүк және қоғамдық көліктердің қозғалысына шектеу қойылады.

Қазіргі уақытта республикалық жолдарды күтіп-ұстауға 875 бірлік арнайы техника жұмылдырылды.