Алматы – Шанхай бағыты бойынша тұрақты рейстер ұшады

2026 жылдың 29 наурызынан бастап "Air Astana" әуе компаниясы Алматы – Шанхай бағыты бойынша тұрақты рейстерді іске қосады, деп хабарлайды Zakon.kz.

Рейстер аптасына 3 рет – сейсенбі, бейсенбі және жексенбі күндері орындалады.

Нәтижесінде Қазақстан мен Қытай арасындағы рейстердің жалпы саны аптасына 81-ден 84-ке дейін артады.

Рейстердің ашылуы екі ел арасындағы сауда-экономикалық, іскерлік және туристік ынтымақтастықтың одан әрі дамуына ықпал етеді деп күтіліп отыр.