Air Astana Ирандағы жағдайға байланысты жолаушыларға үндеу жасады

15 қаңтар күні Air Astana әуе компаниясы Иранның әуе кеңістігі жабылуына байланысты кейбір тұрақты және чартерлік рейстердің бағыты өзгеретінін хабарлады, деп жазады Zakon.kz.

Әуе компаниясының баспасөз қызметінің мәліметінше, Шарм-эш-Шейх, Дубай, Доха және Мәдина бағыттарына ұшатын рейстер Иранның әуе кеңістігін айналып өтіп орындалады.

Компания жағдайды жіті бақылап отырғанын атап өтті. Жолаушылардан рейстерінің күйін тексеріп отыру сұралады, себебі ұшып шығу және межелі әуежайға қону уақыттарында өзгерістер болуы мүмкін.

Мәліметтерді нақтылау үшін брондау және ақпарат орталығына мына телефондар арқылы хабарласуға болады:

• [phone]
• [phone]

Ал рейстердің кешігуі немесе тоқтатылуы кезінде хабарласуға арналған байланыс нөмірлері:

• [phone]
• WhatsApp: [phone]

Сонымен қатар, 15 қаңтарға Қазақстанның 16 өңірінде дауылды ескерту жарияланғанына назар аудару қажет.