Көктем хабаршылары: Оңтүстікте алғашқы бәйшешектер гүлдеді

Қаратау мемлекеттік табиғи қорығының мамандары таулы беткейлерде шыққан алғашқы бәйшешектердің әсем суреттерін жариялап, халықты қуантты, деп хабарлайды Zakon.kz.

2026 жылғы 4 ақпанда қорықтың Instagram парақшасында "Қаратаудағы көктем жаршылары" деген жазумен фото жарияланды.

Қорық қызметкерлері алғашқы бәйшешектер туралы поэтикалық сипаттама берді:

"Қысқы тыныштықтан кейін Қаратау өңірінде ең алғаш болып көз тартатын – көктемнің нәзік те әсем хабаршылары. Қар ерісімен-ақ бой көтерген бұл гүлдер табиғаттың оянғанын паш етеді. Алатау бәйшешегі – көктемнің алғашқы лебі, тазалық пен үміттің белгісі. Ол қатаң қыстан кейін де өмірге деген күш пен сұлулықтың бар екенін еске салады. Қаратаудың баурайында гүлдеген әрбір бәйшешек – жаңа өмірдің бастауындай".

Посмотреть эту публикацию в Instagram

Публикация от 🔸QARATAÝ QORYǴY🔸 (@karatau_nature_reserve)

Мәтіннің соңында қызметкерлер қазақстандықтарды табиғатты сақтауға шақырады.

Дәл бір жыл бұрын да осыған ұқсас хабар жарияланған болатын. Сол кезде бәйшешектер туралы гид Тимур Байғұлов айтып берген еді.