Қазақстан әскери қызметшілері 8 наурызға әсерлі сыйлық дайындады

Қазақстанда Қарулы күштердің әскери қызметшілері, сарбаздар, курсанттар мен "Жас сарбаз" студиясының тәрбиеленушілері Халықаралық әйелдер күні – 8 наурызға орай әсерлі сыйлық әзірледі, деп хабарлайды Zakon.kz.

Бұл туралы 2026 жылғы 5 наурызда, ҚР Қорғаныс министрлігінің баспасөз қызметі мәлімдеді.

Ақ махаббат пен сергек сезім әлдилеген көктемнің шуақты мерекесі қарсаңында Қарулы күштердің әскери қызметшілері, сарбаздары, кадеттері және "Жас сарбаз" студиясының тәрбиеленушілері барша аруларды, асыл аналарды 8 наурыз – Халықаралық әйелдер мейрамымен шын жүректен құттықтап, Болат Садраддиннің "Ана" әнін тарту етеді. Жүрекке жылы тиетін әсерлі ән арқылы әскерилер барша адамзат үшін ең қастерлі құндылық – анаға деген шексіз махаббат пен алғысын жеткізеді.

Посмотреть эту публикацию в Instagram

Публикация от 🇰🇿 ҚР ҚОРҒАНЫС МИНИСТРЛІГІ (@modgovkz)

Қорғаныс министрлігінің мәліметінше, жүрекке жылу сыйлайтын бұл әсерлі ән арқылы әскери қызметшілер бүкіл адамзат үшін ең қастерлі құндылық саналатын анаға деген шексіз сүйіспеншілігі мен алғысын білдіреді.