Атыраудағы Digital Nauryz: дәстүр мен технология тоғысы

Биыл Атырауда Наурыз Digital Nauryz форматында тойлануда. Ұлттық дәстүр мен заманауи технологияларды тоғыстырған мереке цифрландыру жылына қойылған мақсат-мүдделерді де біріктіріп отыр, деп хабарлайды Zakon.kz.

Исатай мен Махамбет атындағы алаңда үш тақырыпта киіз үй тігіліп, қонақтар бірегей цифрлық тәжірибелермен танысты.

Сурет: Атырау облысы әкімдігі

Мысалы, мерекеге келгендер арнайы цифрлық киіз үйде орнатылған жасанды интеллект көмегімен ата-бабалардың ақ батасын алып, бір сәтке олардың асқақ рухы мен айбынын сезіне алды.

Сурет: Атырау облысы әкімдігі

Келесі киіз үйде қонақтар қазақтың ұлттық киімдерін виртуалды түрде киіп көруге мүмкіндік алды.

Сурет: Атырау облысы әкімдігі

Ал үшінші киіз үйде еліміздің мәдениеті, дәстүрлері мен жетістіктері жөнінде бейнероликтер көрсетілді.

Сурет: Атырау облысы әкімдігі

Бұған қоса, алаңда алты интерактивті панель орнатылып, жұртшылық цифрлық жобалар мен инновациялық шешімдер жөнінде ақпарат алды.

Сурет: Атырау облысы әкімдігі

Сондай-ақ көрермендер "Алақан" жобасымен танысып, "Роботтар шайқасы" шоуын тамашалады.