Шаруа қожалығына арналған жерге иттерге баспана салған: Жамбыл облысындағы оқиғаға сот қандай шешім шығарды

Жамбыл облысында жер учаскесі иттерге арналған баспана ретінде заңсыз пайдаланылған. Іс сотта қаралды, деп хабарлайды Zakon.kz.

Белгілі болғандай, сот уәкілетті органның жоспардан тыс тексеру шеңберінде азаматқа тиесілі жер учаскесін мақсатсыз пайдалану фактісін анықтады. Шаруа қожалығына арналған учаске (0,53 га) тиісті ғимараттары бар иттерге арналған баспана ретінде пайдаланылды.

Бұған дейін оған анықталған бұзушылықтарды жою туралы нұсқама берілген болатын, бірақ ол орындалмады.

Тексерістен кейін құқық бұзушы кінәсін толығымен мойындап, бірақ бұл бұзушылықтарды жою үшін шаралар қолданылып жатқанын түсіндіріп, соттан оны жауапкершілікке тартпауды сұраған.

"Сот қаулысымен Т. ӘҚБтК 462-бабының 3-бөлігі бойынша кінәлі деп танылып, оған 5 АЕК мөлшерінде айыппұл тағайындалды",- делінген ақпаратта.

Қаулы заңды күшіне енді.

Бұған дейін ШҚО-да полиция жеке тұрғын үйде жасалған ұрлықты жедел түрде ашқанын жазғанбыз.