Таудағы қызғылт теңіз: Алматы тауларында иван-шай гүлдеді

Танымал фотограф Дмитрий Доценко Алматы тауларында гүлдеген иван-шайдың (жіңішке жапырақты кипрейдің) ерекше көрінісін суретке түсіріп, таңғажайып туындыларымен әлеуметтік желіде бөлісті, деп хабарлайды Zakon.kz.

Фотографтың айтуынша, шілде айының соңы – таудағы ең әдемі кезеңдердің бірі.

"Теңіз деңгейінен шамамен 2 мың метр биіктіктегі күн жақсы түсетін ашық алаңқайларда иван-шай гүлдей бастады. Тау беткейлері бірнеше күнге қызғылт және күлгін түске боялып, ертегідегідей көрініске енуде", – деп жазды Дмитрий Доценко.

Ол мұндай табиғат құбылысы фотографтар үшін ерекше маңызды екенін айтады.

"Бұл сұлулық ұзаққа созылмайды. Көп ұзамай гүлдеу кезеңі аяқталып, иван-шай үлпілдек тұқымдарын шығарады. Жел оларды шатқалдардың бәріне таратып әкетеді де, гүлге көмкерілген алқаптар бұрынғы кейпіне қайта келеді", – дейді фотограф.

Посмотреть эту публикацию в Instagram

Публикация от Дмитрий Доценко / Фотограф Алматы (@dots_foto)

Айта кету керек, иван-шайдың жапырақтарынан дәстүрлі түрде әйгілі копор шайы дайындалады. Оның кәдімгі шайдан айырмашылығы – құрамында кофеин болмайды. Ол ағзаны жұмсақ тыныштандыратын әсерге ие және антиоксиданттарға, С дәруменіне, сондай-ақ түрлі минералдарға бай.

Сонымен қатар, халық күнтізбесінде бұл шөпті жинау дәстүрі жаздың ең үлкен мерекелерінің бірі – Иван Купала күнімен тығыз байланысты. Бұл мереке ескі күнтізбе бойынша 23-інен 24 маусымға қараған түні, ал жаңа күнтізбе бойынша 7 шілдеде атап өтіледі.