Димаш қиын-қыстау кезеңде бүкіл әлемге қолдау білдіретін жаңа әнді орындады

Anatoly Lomokhov/Globallookpres

Ән пандемияға байланысты жалпы қиыншылыққа бой ұрған әлемдегі барша халықты қолдауға арналады.

Димаш Құдайберген қытай авторларының "Біз біргеміз" атты жаңа әнін ағылшын тілінде орындады. Бейнеклип мазмұнына сүйенсек, ән бүкіл әлемде коронавируспен күресіп жатқан дәрігерлерді, жалпы қиыншылықтағы барша халықты қолдауға арналады, деп хабарлайды zakon.kz.

Әннің сөзінің авторлары - Gao Shang және Shang Yang. Композиторы - Dong Nan пен Tang Yi. Әннің мәтінінде қазір жанжал шығаратын уақыт емес, керісінше, жаһандық індетпен күресте қиын-қыстау кезеңде бірігіп, бір-бірімізге көмектесу керектігі айтылады.

Қол алысып, бірге жұмыла жауды жеңеміз. Бір қатарға тұрып, бір-бірімізден қалмай соңына дейін шайқасамыз. Қуанышта да, қайғыда да біргеміз, делінеді әннің қайырмасында.

Оқи отырыңыз