Шотландияда төрт мың жыл бұрынғы жұмбақ шарлар табылды
twitter / orkneycouncil
Оркней аралдарында орналасқан көп қабатты қабірден таңғажайып артефактілер табылды, деп хабарлайды zakon.kz.
Археологтар шамамен төрт мың жыл бұрынғы жұмбақ жылтыратылған екі шарды байқады, деп хабарлайды РИА Новости Daily Mail -ге сілтеме жасап.
Ланкашир университетінің және Шотландия ұлттық мұражайының ғалымдары сирек кездесетін жәдігерлерді Треснесс шығанағындағы аралдан тапқан. Бұл аймақта қазба жұмыстары 2017 жылдан бері жүргізіліп келеді. Сарапшылар қабір бұзылып, құлап жатқанын көріп асығыстық танытуда.
Өте ғажап олжа таптық, - деп археологтар таңырқауда.
Шарлардың диаметрі - шамамен бес сантиметр. Көлемі крикет добына ұқсас. Сарапшылар, оның біреуі сфера пішінді және әдемі әрленгенін байқаған.
Енді олардың не үшін жасалғанын білу керек.
Шарларды қару -жарақ, әдет-ғұрыпқа немесе сәуегейлікке, сондай-ақ теріні өңдеуге және тіпті құрылыс материалдарын жылжытуға қажетті заттар ретінде қолдануға болады. Сарапшылар осындай теорияны алға тартты.
Оркней аралдарынан 20-ға жуық таңғажайып шар табылған. Болжам бойынша, олар неолит дәуіріне жатады, - дейді ғалымдар.
Сондай-ақ, қазба жұмыстары кезінде зерттеушілер адамдар мен жануарлардың сүйектерін, керамика мен әртүрлі тас артефактілерді, соның ішінде бірнеше пышақ, балға, қазан қақпақтары мен жебелердің ұштарын кездестіруге болады.
Биыл археологтар қабір қабаттарын зерттеуді жалғастырып, оның қандай принцип бойынша салынғанын анықтауға тырыспақ.
