Мәдениет және өнер саласындағы ЖОО оқытушыларының еңбекақысы өсті

ҚР Мәдениент және спорт министрлігі, мәдениет және өнер саласындағы ЖОО, еңбекақы, сурет - Zakon.kz жаңалық 31.08.2022 12:37

Сурет: pixabay

Орталық коммуникациялар қызметінде өткен брифингте ҚР МСМ Мәдениет комитетінің төрайымы Роза Кәрібжанова мәдениент және өнер саласындағы жоғары оқу орындарының профессорлық құрамының еңбекақысы 75 пайызға өскенін мәлімдеді, деп хабарлайды Zakon.kz.

13-16 жылға дейін өтілі бар профессор бұрын 267 мың алып келсе, енді 3.5 коэффицентті қолданғанда, еңбекақысы бүгінгі күні 435 мыңға өсті. ҚР МСМ Мәдениет комитетінің төрайымы Роза Кәрібжанова

Бұл ретте министрлік өкілі еңбек өтіліне байланысты ең төмен көрсеткішті айтып отырғанын атап өтті.

Мәдениет комитетінің төрайымының сөзінше, бұған дейін 243 мың теңге алып жүрген доценттердің еңбекақысы 400 мың теңгеге дейін өсті.

Ал оқытушылар 210 мың теңге көлемінде алып келсе, енді 350 мың теңгедей еңбекақы алады.

Бұл өзгерістер мәдениет саласын одан әрі өркендетуге септігін тигізе отырып, өнер шыңында жаңа жетістіктерге жетуге мұрындық боларына кәміл сенеміз. ҚР МСМ Мәдениет комитетінің төрайымы Роза Кәрібжанова

Оқи отырыңыз