Димаш Құдайберген бейнебаян түсірілімінен жаңа видео көрсетті

20 қазан күні Димаш Instagram-дағы парақшасында "Бір аспанның хикаясы" бейнебаянының түсірілімінен кезекті видеосын бөлісті, деп хабарлайды Zakon.kz.

Кадр сыртындағы сәттерден тағы видео қалайсыздар ма? - деп жазды Димаш Instagram-дағы парақшасына.

Димаш бөліскен видеода әнші арнайы киіммен және қолында мылтықпен образға кіріп тұрған сәті көрсетілген.

Посмотреть эту публикацию в Instagram

Публикация от Dimash Qudaibergen (@kudaibergenov.dimash)

Видеоны тамашалаған соң Димаштың жанкүйерлері бұдан да көп кадр сыртындағы сәттерді көргісі келетінін жазды.

Dears бірден реакция жасап, әншінің жаңа шығармашылығына әрдайым қуанатынын айтты.

Димаш Құдайбергеннің бұл туындысы планетамыздағы адамдардың бірлігіне арналған. Әншінің айтуынша, бұл - "әлемдегі ең қымбат" бейнебаян.

Қыркүйек айының соңында әнші түсірілім барысы туралы видеоны бөліскен еді.