Баян Мақсатқызы "Мәншүк" туралы сериал көрерменге осы демалыста көрсетілетінін хабарлады

"Біздің компанияның "Хабар" тапсырысы бойынша тағы бір туындысы - ұлы жауынгер Мәншүк Мәметова туралы алты сериялы телехикая. 17 және 18 желтоқсанда Хабар арнасынан міндетті түрде көріңіз. Біз бұл процесстен үлкен тәжірибе мен кәсіби ләззат алдық", - деп жазды сериал продюсері Баян Мақсатқызы өзінің Instagram-дағы парақшасында.

Сериал режиссеры - Асқар Ұзабаев. Басты рольде батыр қыз Мәншүк болып актриса Зухра Сайпи ойнайды. Баян Мақсатқызы батыр Мәншүк Мәметова туралы сериал түсірілімі басталғанын тамыз айында хабарлаған еді. Сериал Қазақстанда ғана емес, Беларусьте де түсірілді.

Сонымен қатар продюсер парақшасындағы постта елімізде сериал түсіруге аз ақша бөлінетінін айта кетті.

"Әрине, керемет жобаны жасау үшін бізге ақша жетіспейді. Ал сериалдар жасау үшін он жылдан бері өзгермеген бюджетті министрліктің қайта қарауын бәріміз күтіп отырмыз. Көрерменге керемет фильм, ал телеарналарға күшті рейтинг керек. Біз өте жақсы сериал, фильм түсіруді білеміз. Бүгінгі заман талабына сай туындыны жасауды әлдеқашан үйрендік. Көріп ләззат алыңыз, біз өз тарихымызды және қазақ халқының батырлары туралы білуіміз керек!", - деп жазды Баян Мақсатқызы.

Оқи отырыңыз

Бай әзербайжанның үйінде қонақта болған қазақ блогері өз таңданысын жасыра алмады

22:25, 26 шілде 2024

Ерке Есмаханнан оқырмандары жас Raim-ды өзіне қалай қаратып алғандығын сұрады

15:43, 25 шілде 2024

Леди Гага "Джокер: Безумие на двоих" фильміне түсті

10:32, 25 шілде 2024