2023 жыл түркі әлемінде Темірбек Жүргенов жылы болып жарияланды

Бүгін, 20 желтоқсанда Мәдениет және спорт министрі Дәурен Абаев ТҮРКСОЙ бас хатшысы Сұлтан Раевпен кездесу өткізді. Тараптар биылғы бірлесіп атқарған жұмыстардың қорытындысын талқылап, келесі жылға арналған іс-шаралар жоспарын қарастырды.

Қазақстан тарапының ұсынысымен 2023 жыл түркі әлемінде Темірбек Жүргенов жылы болып жарияланды. Сонымен бірге ТҮРКСОЙ аясында театр және кино актрисасы Бикен Римованың 100 жылдығы, жазушы Мағжан Жұмабаевтың 130 жылдығы, қазақ ақыны, әдебиеттанушы, жазушы Мұзафар Әлімбаевтың 100 жылдығы түркі тілдес елдерде кеңінен аталып өтеді.

"ТҮРКСОЙ ықпалымен түркі әлемінің ынтымақтастығы сапалы жаңа деңгейге көтерілуде. Тарихи-мәдени мұраны сақтауға маңызды мән беріліп отыр. 2023 жылы Халықаралық Түркі мәдениеті ұйымының (ТҮРКСОЙ) құрылғанына 30 жыл толатынын білеміз. Мерейтой жылы барлық бағыттар бойынша жұмысты одан әрі жандандырып, бірігіп жұмыс істеуге дайынбыз", - деді Дәурен Абаев.

Айта кетейік, 2023 жылы Сұлтан Бейбарыстың 800 жылдығына орай ТҮРКСОЙ қолдауымен фильм түсіріп, оны ұйымға мүше мемлекеттер аумағында көрсету жоспарланған.

Оқи отырыңыз

Канье Уэст қазақстандық режиссермен бірігіп клип шығарды

09:11, 03 мамыр 2024

Илья Ильин спорттық мансапта оған үлкен жетістіктерге жетуге кедергі болған мәселені айтты

09:41, 02 мамыр 2024

Димаш Құдайберген өзінің 30 жылдық мерейтойы қарсаңында сұхбат берді

09:26, 02 мамыр 2024