Димаш Құдайберген Үндістандағы кинофестивальде қазылық етеді

Димаш Шанхай Ынтымақтастық Ұйымы елдері кинофестивалінің қазылар алқасы құрамына енді, деп хабарлайды Zakon.kz.

27 қаңтарда Ұлттық орындаушылық өнер орталығының Джамшед Бхабхи театрында кинофестивальдің ашылуы өтті. Димаш Құдайберген қазылар алқасының құрамында салтанатты ашылу рәсіміне қатысты. Бұл туралы dimashnews.com хабарлады.

"Қазылар алқасының мүшесі Димаш Құдайберген – поп, классикалық кроссовер, фольклорлық және опералық эстрада жанрларында әлемге әйгілі музыкалық орындаушы. Оның есімі Шығыс Еуропа мен Азияда, әсіресе Қазақстанда, туған елінде, сонымен бірге Қытайда, Ресейде 120-дан астам елде жанкүйерлер базасы бар" деп әртісті фестивальдің ашылуында таныстырды.

Сурет: dimashnews.com

Фестивальдің бірінші күні әйгілі үнді режиссері Рахул Раваил басқарған халықаралық қазылар алқасы өз жұмысын бастады. Қазылар алқасында: Нин Ин (Қытай), Гульбар Толомушова (Қырғызстан), Иван Кудрявцев (Ресей), Мехмедсаид Шохийон (Тәжікстан), Матякуб Матчанов (Өзбекстан) және Димаш Құдайберген (Қазақстан) бар.

Посмотреть эту публикацию в Instagram

Публикация от Dimash Qudaibergen (@kudaibergenov.dimash)

Байқау қазылар алқасының отырысында әр елден келген әріптестер 2023 жылғы Шанхай Ынтымақтастық Ұйымы кинофестивалінің лауреаты атағына үміткер фильмдерді көру бойынша алғашқы нәтижелерді талқылады.