Астанада сатира саңлағы Көпен Әмірбектің шығармалар жинағының тұсау кесер рәсімі өтті

Көпен Әмірбек, сурет - Zakon.kz жаңалық 29.03.2023 20:51

Сурет: видеодан алынды

29 наурызда Ұлттық академиялық кітапхана қабырғасында жазушы-сатирик Көпен Әмірбектің шығармалар жинағының тұсаукесері өтті. "Көпен келе жатыр!" атты бес томдық кітапты таныстыру шарасына белгілі қоғам қайраткерлері қатысты, деп хабарлайды Zakon.kz.

"Хабар 24" телеарнасының хабарлауынша, олардың арасында Нұртөре Жүсіп, Дархан Мыңбай, Бауыржан Омаров, Сауытбек Әбдірахманов сынды әдебиет жанашырлары бар.

Айта кетсек, белгілі сатирик, журналист, Қазақ радиосының ардагері Көпен Әмірбек 2022 жылы 9 қарашада дүниеде озды. 73 жасқа қараған шағында бақилық болған сатира саңлағын қаралы қауым туған жері - Отырарда соңғы сапарға шығарып салды. "Қазақтың Көпенімен" қоштасуға жиналған жұрттың қарасы мол болды.

"Дәмі жоқ, мәні жоқ, жыртыққа күлгенді күлкі қылып та, жұртты күлдірем деп те жүргендер бар. Бірақ Көпеннің сатирасында үлкен астар болатын, салмақ болатын. Оның біраз шығармасы бүгінгідей тәуелсіздік алған еркіндік заманында емес, Совет кезінде жазылған. Ал ол заматта саяси цензура бар еді. Соның бәрінен сыналап өткізуді, астарлап айтуды әбден меңгерген еді ол". Ақын Баянғали Әлімжанов

Оқи отырыңыз