"Иә!": Индира Еділбаеваға сүйіктісі Бали аралында ұсыныс жасады

Индира Еділбаева сүйіктісімен, сурет - Zakon.kz жаңалық 10.04.2023 10:45

Сурет: Instagram/indi_edilbayeva

Әнші Индира Еділбаева Instagram-дағы парақшасында қуанышты жаңалығын бөлісті. Оған жігіті Бали аралында демалып жүргенде күтпеген жерден тұрмысқа шығуға ұсыныс жасады, деп хабарлайды Zakon.kz.

Индира Еділбаеваға Headliner Music және "ИНЖИР" лейблі әртістерінің менеджері Камалдин Камирдинов сөз салды.

"Тура сол уақытта мұндай сәт ерекше толқытады екен. Сөзім жоқ, айтарым тек махаббат. "ИӘ!" дедім", - деп жазды Инди Еділбаева жариялаған видеоның сипаттамасына.

Жұпты құттықтағандардың қатарында Луина, НАЗИМА, Мәди Рымбаев, Дарья Александрова, продюсер Кейс, М'Ди және тағы басқалары бар. Сонымен қатар күйеужігіт те қызық пікір қалдырыпты. Ол "Егер сен осы пікірді оқып отырсаң, демек сен кешіктің!" деп жазыпты.

Индира Еділбаева 2020 жылы "Украина дауысы" жобасына қатысып, бұрынғыдан да көп таныла бастады. Ол Дэн Балан командасының атынан шығып, суперфиналға дейін жетті.

Оқи отырыңыз