Чили радиосында бір айы бойына күн сайын Димаштың орындауындағы әндер беріледі

Маусым айы бойында күн сайын танымал Чили MIX TV радиосының эфирінде атақты отандасымыз Димаш Құдайбергеннің композициялары беріліп отырады, деп хабарлайды Zakon.kz.

Чили радиостанциясында Димашқа арналған алғашқы эфир өткен жұмада, 2 маусымда өтті. Бұл Dimash Latin Dears фан-клубының қажырлы еңбегінің арқасында мүмкін болды, деп хабарлайды dimashnews.com сайты.

Енді маусым айында Димаштың орындауындағы композициялар күн сайын таңғы 7-ден 10-ға дейін эфирден беріледі.

"Біз Димаштың әндері Чили радиосында ұзақ уақыт бойы шырқалатынына өте қуаныштымыз! Сонымен қатар, Димашқа арналған бағдарламада тек әндер ғана емес, Dears-тің құттықтаулары мен әртістің шығармашылық өмірбаяны баяндалады!",- деп бөлісті Dimash Latin Dears.