Абай атындағы қазақ ұлттық опера және балет театры мерейтойлық 90-маусымын ашты
Сурет: Абай атындағы қазақ ұлттық опера және балет театрының баспасөз қызметі
Театр
маусымын дәстүр бойынша әдеттегідей Ахмет Жұбанов пен Латиф Хамидидің "Абай" операсымен ашты.
Басты партияларды Талғат Күзембаев, Нұржан Бажекенов, Есенгелді Рза, Болат Бөкеновтер орындады.
Ал 10 қыркүйекте Петр Чайковскийдің "Аққу көлі" балеті көрермен назарына ұсынылды. Басты партияларды Абай атындағы ҚазҰОБТ балет әртістері Малика Елшібаева, Нельсон Пенья, Азамат Асқаров сомдады.
Мерейтойлық маусым мәдени өмірдегі қызық әрі маңызды оқиғаларға толы болады. Көрермендерді бірқатар премьера, фестиваль мен гастроль күтіп тұр.
Театр 21-22 қазанда театр Сыдық Мұхамеджановтың "Жұмбақ қыз" эпикалық операсының тұсаукесерін ұсынады, ол 1971 жылы сахнада алғаш рет
қойылған спектакльдің жаңа бағыттағы жаңғыруының бір түрі болмақ.
Операның либреттосы қазіргі қазақ әдебиетінің негізін қалаушылардың бірі Сәкен Сейфуллиннің "Көкшетау" поэмасының бейнелерінен шабыт алып, ХVІІІ ғасырдың ортасында қазақ жерінде болған аңызға айналған тарихи оқиғалар туралы баяндайды. Бұл тұтқын-қалмақ қызы Нәзік пен қазақ батыры-ақын Адақтың жан түршігерлік, махаббатының тарихы.
