Парижде қазақ мәдениетіне арналған көрме өтеді
Сурет: видеодан алынды
Тараптар қазақ әдебиетін француз тіліне аудару, сондай-ақ француз балалар арналарының контенін Қазақстанның бүлдіршіндеріне арнап бейімдеу жайын талқылады. Сондай-ақ Францияның әлемге әйгілі Гиме музейі қазақ мәдениетінің жауһарларына арналған көрме ұйымдастыруды ұсынды. Бұл туралы Мәдениет және ақпарат министрі Аида Балаеваның Париждің музей басшылығымен кездесуінен соң белгілі болды. Мұражай Азия елдерінің мәдениетімен байланысты құнды мұраларға өте бай. Мұнда Қазақстанға қатысты бірегей жәдігерлерді де кездестіруге болады. Музей басшылығы енді мұражайға келушілердің қызығушылығын ескере отырып, еліміздің мәдениеті мен тарихына арналған маңызды экспонаттарды көпшілікке көрсетпек, деп хабарлайды 24kz.
Әдетте мұндай іс-шараны ұйымдастыруға көп жыл кетеді. Бірақ француз тарапы Қазақстанға арналған көрмені Париж халқына келер жылы-ақ ұсынуға ниетті.
"Еуропа халықтары, әсіресе француздар, кезінде ұлы Жібек Жолының бір бөлігі болған бұл аймақтың маңыздылығын енді түсініп жатыр. Бұл Шығыс пен Батыстың, Оңтүстік пен Солтүстіктің мәдениеттері тоғысқан өңір болғаны бәріне аян. Міне, осы себепті Қазақстанның әлем тарихындағы айшықты орыны туралы дәріптеп, жұртты онымен таныстыру өте маңызды".Гиме музейінің президенті Янник Линтц
