Астанадағы университетке Күләш Байсейітованың есімі берілмекші

Астанадағы университетке Күләш Байсейітованың есімі беріледі, сурет - Zakon.kz жаңалық 21.05.2024 18:03

Сурет: VK/

Мемлекет басшысы 21 мамырда мәдениет және өнер қызметкерлерін құттықтады. Салтанатты шарада ол еліміздегі жоғары оқу орындарының бірінің атын өзгерту туралы маңызды мәлімдеме жасады, деп хабарлайды Zakon.kz.

Қасым-Жомарт Тоқаев халқымыз дарынды ұл-қыздарын қашанда қадірлей білгеніне назар аударып, Астанадағы Қазақ ұлттық өнер университетіне Күләш Байсейітованың есімін беру туралы шешім қабылдағанын жеткізді.

"Бұл – әйгілі әншіге көрсетілген зор құрмет әрі ерекше өнерімен тарихта қалған тұлғаларға ел ықыласының айрықша белгісі. Түптеп келгенде, мұны тарихи әділдікті қалпына келтіру деп түсінген жөн. Аға буынның өнердегі жолын қазіргі жастарымыз да лайықты жалғастырып келеді. Осы сабақтастықты сақтау өте маңызды", - деді Қасым-Жомарт Тоқаев.

Күләш Жасынқызы Бәйсейітова — қазақтың әйгілі әншісі (лирика-колоратуралық сопрано), қазақ опера өнерінің негізін салушылардың бірі, қоғам қайраткері. КСРО халық әртісі (1936). КСРО Мемлекеттік сыйлығының лауреаты (1948-1949).

Оқи отырыңыз