Құрманғазы атындағы Қазақ ұлттық консерваториясының ректоры жаңадан тағайындалды
![Гауһар Тасбергенова, Құрманғазы атындағы Қазақ ұлттық консерваториясы, ректор, сурет - Zakon.kz жаңалық 09.07.2024 22:13](https://kaz.zakon.kz/pbi/WEBP/2024-07-09/file-63253946-5872-4774-aa8a-68f9a105c141/400x225.webp)
Гауһар Тасбергенова Құрманғазы атындағы Қазақ ұлттық консерваториясының ректоры болып тағайындалды, деп хабарлайды Zakon.kz.
Бұл туралы 2024 жылы 9 шілдеде ҚР Мәдениет және ақпарат министрлігінің баспасөз қызметі хабарлады.
Гауһар Тасбергенова – белгілі қазақстандық пианист, концертмейстер, арт-менеджер халықаралық конкурстардың лауреаты. Ол К. Байсейітова атындағы мектепті бітірген, PhD in Art-management докторы.
Гауһар Тасбергенова әр жылдары халықаралық жобаларға қатысқан, атап айтқанда:
- Францияның Қазақстандағы елшілігінің қатысуымен "Париж-Астана: Дебюссиден Жұбановаға дейін",
- А. Жұбанов, Л. Хамиди "Абай" (қоюшы-режиссер Джанкарло дель Монако),
- Е. Брусиловский "Қыз Жібек" (қоюшы-режиссер Михаил Панджавидзе).
Сондай-ақ ол опералық спектакльдерді сүйемелдейтін бас пианист-концертмейстер. Мәдениет саласындағы көптеген жобаны әзірлеп, жүзеге асырған.
Сонымен қатар, Гауһар Тасбергенова – Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі Ұлттық комиссияның мүшесі.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript