Димаштың Сәкен Сейфуллиннің әніне түсірген жаңа бейнебаяны жарық көрді

Қазақстанның Халық әртісі, әлемге танылған Димаш Құдайбергеннің көптен күткен жаңа бейнебаяны жарияланды, деп хабарлайды Zakon.kz.

2025 жылдың 15 мамырында Димаш Құдайберген белгілі қазақ ақыны әрі жазушысы, қазақ әдебиетінің негізін салушылардың бірі Сәкен Сейфуллиннің  "Тау ішінде" әніне түсірілген жаңа бейнебаянның тұсауын кесті. Премьераның шығуына орай Димаш челлендж жариялады: трекке түсірілген ең қызықты және көп қаралған видео үлкен сыйлыққа ие болады!

Қорытындысы 26 мамырда Алматыда өтетін концертте/фан- кездесуде жарияланады.

Комедиялық туындыда Димаштың шығармашылығына ғашық қыздың шытырман оқиғасы баяндалады. Бейнебаян соңында Димаш бетіне тиген "торттан дәм татады".