Алматыдағы аутизм орталығында 1,5 мыңдай бала көмек алды

Аутизм, балалар, орталық, Алматы , сурет - Zakon.kz жаңалық 27.12.2021 17:45

Сурет: pixabay

ҚР Премьер-министрінің орынбасары Ералы Тоғжанов жұмыс сапары барысында Алматыдағы «Асыл Мирас» аутизм орталығында болды, деп хабарлайды Zakon.kz

«Асыл Мирас» аутизм орталығында өткен 7 жыл ішінде 2,8 мыңға жуық бала РАС белгілерін анықтау үшін диагностикадан өтті, 1,5 мыңға жуық бала білікті көмек алды. Орталық интервенцияның алты бағдарламасы бойынша жұмыс істейді, олардың әрқайсысы әлеуметтік, сөйлеу және тұрмыстық дағдылардың тапшылығын анықтауға және жоюға бағытталған.

Балаларға ынтымақтастық, сөйлеуді түсіну, визуалды қабілеттер мен өзіне-өзі қызмет көрсету дағдыларын дамытуға мүмкіндік беретін студиялық пәтердің кішірек нұсқасы болып табылатын өмірлік дағдыларды дамыту кабинеті жабдықталған.

Сондай-ақ ата-аналармен ақпараттық-түсіндіру жұмыстарын жүргізу үшін 30 орынды конференц-зал бар. Орталықта барлық қызметтер тегін көрсетіледі.

Оқи отырыңыз