Досаев келушісі көп мемлекеттік емханалар туралы айтты

Сурет: Zakon.kz

Бүгін Алматы әкімі Ерболат Досаевтың халықпен алғашқы кездесуі мегаполистің ірі аумағының бірі - Бостандық ауданында өтті. Мұнда 365 мың адам, яғни қала халқының 18%-ы тұрады, деп хабарлайды Zakon.kz.

Бостандық ауданында барлығы 4 емхана бар. Олардың үшеуінде келушілер саны өте көп. Әл-Фараби даңғылының оңтүстігінде 26 мың адамға қызмет көрсететін 2 ОҚА орналасқан. Осыған байланысты барлық жүктеме негізінен мемлекеттік емханаларға түседі.

Қазір қала әкімдігі жеке меншік иелерінен 500 келушіге арналған емхана салу үшін жер учаскесін сатып алу бойынша келіссөздер жүргізіп жатыр, – деп хабарлады Алматы әкімдігі.

Сонымен қатар жыл соңына дейін "Балаларға шұғыл медициналық көмек көрсету орталығының" жаңа корпусының құрылысы аяқталады. Онда заманауи қабылдау бөлмесі, реанимация, операциялық және нейрохирургиялық бөлімшелер мен толық медициналық жабдықталған клиникалық зертхана болады.

Оқи отырыңыз