Маймыл шешегі: Денсаулық сақтау министрлігі мәлімдеме жасады

ДСМ баспасөз қызметінің мәлімдеуінше, маймыл шешегі (monkeypoxes, MPXV) – сирек кездесетін жұқпалы ауру.

Оған тән белгілер: қызба, жалпы интоксикация, бөртпе, везикулалар, папула және т. б.

Сондай-ақ маймыл шешегі вирусының ДНҚ вирусы 1980 жылы бүкіл әлемде жойылған шешекке жақын.

Африкадағы сырқаттану саны қарқынды өсіп жатыр, 2016 жылдан бастап ДДҰ-ның ресми деректері бойынша, 20 есе өскен.

ДДҰ-ның алдын ала деректері бойынша, 2022 жылғы 30 маусымдағы жағдай бойынша, әлемнің 66 елінде 5135 жағдай тіркелген (Ұлыбритания – 1076, Испания – 801, Германия – 874, Франция – 441, Португалия – 391, Канада – 283, Нидерланды – 257, АҚШ – 351, Италия – 160, Бельгия-117, Швейцария – 81 және т. б.) ҚР Денсаулық сақтау министрлігінің баспасөз қызметі

Демалыс уақыты болғандықтан, Денсаулық сақтау министрлігі шетелге шығатын қазақстандықтарды бірнеше қарапайым, бірақ маңызды ұсыныстарды ұстануға шақырды:

• маймыл шешегі өршіп тұрған Батыс Африка елдеріне (әсіресе жүкті әйелдер, балалар) барудан бас тарту;

• сырқат белгілері бар кез келген адаммен жыныстық қатынастан аулақ болу (болдырмау);

• шет елде жүрген кезде қолды үнемі жуып, маска тағу;

• көшеден тамақтанбаңыз. Тек термиялық өңделген тағамдарды жеңіз;

• адам көп жиналатын орындарға барған кезде маска тағып, әлеуметтік қашықтықты сақтаңыз;

• егер үйге оралғаннан кейін үш апта ішінде өзіңізді нашар сезінсеңіз: дене қызуы, лимфа түйіндерінің ісінуі, бөртпе болса, дереу жақын жердегі медициналық ұйымға хабарласыңыз, шетелде болғаныңыз туралы міндетті түрде хабарлаңыз.

Оқи отырыңыз

Қазақстан оқушылары есту қабілеті нашар адамдарға көмектесетін қолданба әзірледі

11:56, 27 наурыз 2023

Елімізде коронавирус бойынша бір тәулікте 32 жағдай тіркелді

09:51, 27 наурыз 2023

Енді трамадол есірткі деп есептеледі және еркін сатылмайды

11:42, 25 наурыз 2023