Шалғайдағы елді мекендерде дәріхана пункттері пайда болады

Денсаулық сақтау министрлігі «Халық денсаулығы және денсаулық сақтау жүйесі туралы» ҚР Кодексіне Денсаулық сақтау инфрақұрылымын жақсарту және шалғайдағы ауылды елді мекендерде және ауылдық денсаулық сақтау объектілерінде дәрі-дәрмектерге қолжетімділік деңгейін арттыру бойынша өзгерістер мен толықтырулар енгізуді ұсынды.

Кодекске енгізілген өзгерістер ауыл тұрғындарын дәрі-дәрмекпен қамтамасыз етуге қолжетімділікті арттырады және оларды сатып алу үшін ірі елді мекендерге баруға қатысты шығынды азайтады. Дәріханалар жоқ ауылдық елді мекендердегі дәрілік заттар мен медициналық бұйымдар медициналық-санитариялық алғашқы, консультациялық-диагностикалық көмек көрсететін денсаулық сақтау ұйымдарындағы дәріхана пункттері немесе жылжымалы дәріхана пункттері арқылы өткізіледі. Денсаулық сақтау министрлігі, жергілікті атқарушы органдар және басқа да мүдделі мемлекеттік органдар дәрілік саясатты жетілдіру бойынша одан әрі шаралар қабылдайды, – делінген министрлік хабарламасында.

Айта кетейік, статистикалық деректерге сәйкес қазір Қазақстан халқының шамамен 40%-ы ауылды жерлерде тұрады. Ал әр үшінші елді мекенде дәріхана жоқ.

Оқи отырыңыз

Қазақстан оқушылары есту қабілеті нашар адамдарға көмектесетін қолданба әзірледі

11:56, 27 наурыз 2023

Елімізде коронавирус бойынша бір тәулікте 32 жағдай тіркелді

09:51, 27 наурыз 2023

Енді трамадол есірткі деп есептеледі және еркін сатылмайды

11:42, 25 наурыз 2023