Қазақстанда коронавирусты емдеу хаттамасы қайта қаралуы мүмкін

Дәрі-дәрмек саясаты департаментінің директоры Бауыржан Жүсіпов ҚР Денсаулық сақтау министрлігі коронавирусқа қарсы сертификатталған дәрілерді сатып алуды жоспарлап отыр ма, жоқ па, соны айтты, деп хабарлайды Zakon.kz.

Біз әлемде коронавирус инфекциясын емдеу үшін қолданылатын қандай дәрі-дәрмектер бар екенін зерттеп жатырмыз. Бірақ мұндай препараттар әлі барлық зерттеудің соңғы кезеңінен өткен жоқ.Дәрі-дәрмек саясаты департаментінің директоры Бауыржан Жүсіпов

Бауыржан Жүсіповтің айтуынша, сонымен қатар бірқатар елдер жағдайға байланысты кейбір дәрі-дәрмектерді шұғыл қолдану туралы ұсыныстар береді.

Клиникалық хаттаманы әзірлеушілер бұл бойынша белсенді жұмыс істеп жатыр. Жақында нәтижесін жариялаймыз. Бір ай ішінде жауабын береміз деп ойлаймын.Бауыржан Жүсіпов