Ashyq пен онлайн оқу қандай жағдайда қайта енгізілетіні айтылды
Cурет: Zakon.kz
Денсаулық сақтау министрлігінің басшысы «жасыл» және «сары» аймақтардағы шектеу шаралары кәсіпкерлік нысандардың қызметін шектемей, инфекция ошағын оқшаулау үшін енгізілгенін атап өтті.
Қоғамдық орындарда және қоғамдық көліктерде тек медициналық маска тағу ұсынылады.
«Қызыл» аймақта денсаулық сақтау жүйесіне түсетін жүктемеге сәйкес екі кезеңде шектеу шаралары қабылданады.
Бірінші кезеңде: кәсіпкерлік қызметті шектеусіз, бірақ ғимарат ішінде және көліктің барлық түрлерінде медициналық масканы міндетті түрде қолдану арқылы.
Егер жұқтыру саны өссе, екінші кезеңде мынадай шаралар енгізіледі:
объектілерде Ashyq қосымшасын міндетті түрде қолдану;
бұқаралық іс-шараларды өткізуге байланысты кәсіпкерлік нысандарының толтырылуын 50%-ға дейін шектеу;
білім беру ұйымдарындағы қосымша шектеулер;
ұйымдар қызметкерлерінің 30%-ын қашықтағы жұмыс түріне ауыстыру.
Қызыл аймақта шектеу шараларын енгізу бизнес пен халықтың профилактикалық шараларға деген ұмтылысына тікелей байланысты, – деп атап өтті Ажар Гиният.
Бұған дейін министр коронавирустың жаңа болжамын жариялаған еді. Оның айтуынша, тамыз айында аурушаңдықтың орташа тәуліктік өсуі шамамен 4 мың жағдайға жетеді. Қыркүйек айында төмендеу болжанды.
