Нұр-Сұлтан «сары» аймақтан шықты

Коронавирустың таралуына жол бермеу жөніндегі ВАК 12 тамызға арналған өңірлердегі эпидемиологиялық ахуалды бағалау матрицасын ұсынды. «Сары» аймақта еліміздің ешбір өңірі қалған жоқ, деп хабарлайды Zakon.kz.

Матрицаға сәйкес, «жасыл» аймақта Нұр-Сұлтан, Алматы, Шымкент қалалары, Алматы, Ақтөбе, Атырау, Ақмола, Абай, Батыс Қазақстан, Шығыс Қазақстан, Жамбыл, Жетісу, Қарағанды, Қостанай, Қызылорда, Маңғыстау, Ұлытау, Солтүстік Қазақстан, Павлодар, Түркістан облыстары тұр.

«Қызыл» және «сары» аймақта бірде-бір өңір жоқ.

Өткен тәулікте Қазақстанда COVID-19 инфекциясын жұқтырғандардың саны 1643 адамға жеткен еді.