Денсаулық сақтау министрі медициналық қателер үшін берілетін өтемақы көлемін атады
Сурет: primeminister.kz
Бұл - ұсыныс. Заң жобасы қаралады. Дүниежүзілік тәжірибе көрсеткендей, сақтандыру компаниялары науқастың қанша жұмсағанын және қандай зиян келгенін анықтайды, - деді Ажар Ғиният мәжіліс кулуарында.
Министр сақтандыру сыйлықақысының мөлшері медицина қызметкерінің жауапкершілік дәрежесін ескере отырып, мамандандырылған сақтандыру бойынша бекітілген тарифтік ставкалар мен еңбекақы негізінде белгіленетінін айтты.
Сақтандырушының сақтандыру жағдайы бойынша жауапкершілігінің ең жоғары мөлшері ҚР "Көлік құралдары иелерінің ЖПҚ міндетті сақтандыруы туралы" заңына сәйкес есептеледі.
Пациенттің өміріне немесе денсаулығына келтірілген зиян үшін:
қайтыс болғаны – 1 мың АЕК (3 063 000 теңге);
бірінші топтағы мүгедектікті анықтау – 800 АЕК (2 450 400 теңге);
екінші топтағы мүгедектікті белгілеуге – 600 АЕК (1 837 800 теңге);
үшінші топтағы мүгедектікті анықтау – 500 АЕК (1 531 500 теңге);
балаға мүгедектікті белгілеуге – 500 АЕК (1 531 500 теңге);
мүгедектік белгіленбестен дене жарақатын алу немесе денсаулығына өзге де зиян келтіру – науқасты амбулаторлық немесе стационарлық емдеуге жұмсалған нақты шығындар мөлшерінде – 300 АЕК (918 900 теңге). 1 АЕК – 3 063 теңге.
Денсаулық сақтау министрлігінің басшысы Ажар Ғиният мәжіліс депутаттарына заң жобасына енгізілген түзетулерді таныстырды. Оған сәйкес емделушіге зиян келген жағдайда медицина қызметкерлері сақтандырылады.
Осылайша Денсаулық сақтау министрлігі медицина қызметкерлерін 2023 жылдан бастап жұмыс берушілер есебінен сақтандыруды, ал 2025 жылдан бастап сақтандыру сыйлықақысының сомасын медициналық ұйым мен медицина қызметкері арасында бөлуді ұсынып отыр. Бұл бірлескен және бірнеше кәсіптік жауапкершілікке әкеп соғады.
