Ресейде шошқа тұмауы өршіді

Ресейде шошқа вирусы тарады, сурет - Zakon.kz жаңалық 20.12.2022 17:57

Сурет: pixabay

Ресейде шошқа тұмауы өршіді. "Әсіресе балалардың инфекцияны жұқтыру қаупі жоғары",- дейді мамандар.

Бірқатар өңірде мектептер мен ауруханаларда карантин енгізілді. Мәскеу мен Санкт-Петербург қалаларында медициналық, қоғамдық мекемелерде маска тағу міндетті, деп жазады qazaqstan.tv.

H1N1 вирусы немесе шошқа тұмауы деп аталатын инфекция өте қауіпті, тіпті аурудан қайтыс болған балалар бар. Әсіресе 5 жасқа дейінгілер жиі жұқтырады екен. Мамандар ауру қазір шарықтау шегіне жеткенін айтады.

Бірнеше рет тұмау жұқтырдым. Соңғы уақытта аурудың жасырын түрі жиі кездеседі. Өйткені антиденелерге тест тапсырып, ағзамда індетке қарсы иммунитет қалыптасқанын анықтадым. Дегенмен шошқа тұмауы өте қауіпті. Өйткені өкпенің асқынуына алып келеді. Игорь Васильев, қала тұрғыны

Жаңа жылдық мерекелерден соң инфекция күшейіп, науқастардың саны артуы мүмкін. Елде 1 қыркүйектен бастап тұмауға қарсы вакцинация жүргізілуде. Эпидемия ұжымдық иммунитет қалыптасқан кезде ғана аяқталады дейді дәрігерлер.

Оқи отырыңыз