Қазақстанда бір тәулікте коронавирус инфекциясының 138 жаңа жағдайы тіркелді

Өткен тәулікте елімізде 138 адамнан Covid-19 анықталды. Бұл көрсеткіш алдыңғы күнмен салыстырғанда, 37 адамға аз, деп хабарлайды Zakon.kz.

Алайда коронавирус жұқтырған бір адам қайтыс болды.

Денсаулық сақтау министрлігі таратқан мәліметке сүйенсек, 12 қаңтардағы жағдай бойынша, 2 343 адам коронавирус инфекциясынан (–2 198+ және 145 КВИ-) емделіп жатыр, олардың ішінде 231 пациент стационарда, 2 112 науқас амбулаториялық деңгейде ем қабылдауда.

КВИ+, КВИ- шалдыққандардың арасында:

• 8 адамның жағдайы ауыр;
• 5 пациенттің жағдайы өте ауыр;
• 3 науқас ӨЖЖ аппаратында жатыр.