Қазақстанда коронавирус жұқтыру көрсеткіші күн сайын артып келеді

ҚР Денсаулық сақтау министрлігі 2023 жылғы 15 наурыздағы жағдай бойынша елдегі коронавирус инфекциясын жұқтыру көрсеткіші туралы ақпарат ұсынды, деп хабарлайды Zakon.kz.

Ақпаратқа сәйкес, өткен тәулікте республикада COVID-19 инфекциясын жұқтырған 109 адам тіркелді. Алдыңғы күні 86 болса, 13 наурызда 44 болған еді.

Сурет: ҚР Денсаулық сақтау министрлігі

15 наурыздағы мәлімет бойынша, 1 849 адам коронавирус инфекциясынан (–1 664+ және 185 КВИ-) емделуде, олардың ішінде 131 пациент стационарда, 1 718 науқас амбулаториялық деңгейде ем қабылдап жатыр.

КВИ+, КВИ- шалдыққандардың арасында:

• 3 адамның жағдайы ауыр;
• 3 пациенттің жағдайы өте ауыр;
• 3 науқас ӨЖЖ аппаратында жатыр.