Қостанай тұрғыны бесінші қабаттан құлап кетті

Оқыс жағдай бүгін түскі уақытта болған.

Зардап шеккен ер адам Қостанай қалалық ауруханасына жеткізілді, деп хабарлайды Baq.kz.

Бұл ақпаратты Қостанай қалалық ауруханасының травмотология бөлімі меңгерушісі Марал Әбілқасымов растады.

«Ауруханаға 59 жастағы ер адам түсті. Ол жоғары қабаттан құлап кеткен. Бесінші қабаттан төртінші қабатқа өрмелеп түсіп келе жатып, құлап кеткен. Қазір ауыр жағдайда. Оның білегі мен жамбас сүйегі сынған. Оған ота жасаймыз», - деді Марал Әбілқасымов.