Нұр-Сұлтанда ставка тігетін алаяқ ұсталды
pxhere.com
Кем дегенде 17 рет интернет-алаяқтық жасаған адам ұсталды, деп хабарлайды Zakon.kz Нұр-Сұлтан полиция департаментіне сілтеме жасап.
Интернеттегі алаяқтық түрлерінің бірі – спорттық ставкалармен ақшаны көбейтіп беру.
Алаяқ былай істеген: instagram желісінде жалған аккаунт ашып, спортқа ставка тігу арқылы ақшаңызды көбейтіп беремін деген қызмет ұсынған. Жұртты сендіру үшін парақшасына мол ақша мен ұтып шыққан ставкаларының суреттерін жүктеген.
Алаяқ клиенттерімен WhatsApp арқылы тек хат жазысып сөйлескен. Дауысын танымас үшін. 100% ұтысқа уәде беріп, ақшаны киви-кошелекке аударуды талап еткен. Бірақ ақшаны алғаннан кейін жәбірленушілердің нөмірлерін блоктап отырған. Іс жүзінде ешқандай ставка тікпеген, ақшаны өз қалауынша емін-еркін жұмсаған.
Қазір оған қатысты 17 эпизод бойынша тергеу жүргізілуде, алайда жәбірленушілер саны тағы көбеюі мүмкін.
Нұр-Сұлтан полициясы интернет қолданушыларын сақ болға шақырады, алаяқтарға алданбауға шақырады.
Егер осындай алаяқтардан зардап шеккендер болса, Бейбiтшiлiк көшесі, 19 немесе 71-60-10, 71-63-35, 71-62-91 немесе 102 телефон нөмірлеріне хабарласуын сұрайды.
