Шекарадан Калашников автоматтарын алып өтпек болған қазақстандық азамат ұсталды
ҚР ҰҚК ШҚ баспасөз қызметі
Оның автокөлігінің жүксалғышынан 6 дана атыс қаруы табылған.
"Қостанай" шекара отрядының "Қайрақ-авто" бөлімшесінде Ресейден жекеменшік "Шкода Рапид" автокөлігімен Қазақстанға қайтып келе жатқан 1993 жылы туған қазақстандық ұсталды, деп хабарлайды Zakon.kz ҚР ҰҚК ШҚ баспасөз қызметіне сілтеме жасап.
- Шекара наряды ер адамның автокөлігінің жүксалғышынан, калибры 7,62 мм-лік, пайдаланудан алынып тасталған, залалсыздандырылған барлығы 6 дана Калашников автоматы және олардың 6 дана оқсауытын тапты. Тасымалдаушының айтуы бойынша бұл автоматтарды Мәскеуден коллекция және фильм түсіру үшін сатып алған, - деді ведомстводағылар.
Істің анық-қанығын тексеру үшін, ұсталған азамат қару-жарағымен бірге Қарабалық аудандық полиция бөліміне тапсырылды.
Сондай-ақ Петропавл шекара отрядының "Бидайық-авто" бөлімшесінде біздің елге келе жатқан 1975 жылғы Ресей азаматының автокөлігінен аңшы мылтығына арналған оқ-дәрі табылып, Уәлиханов ауданы бойынша полиция бөліміне тапсырылды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
