Алматыда манипулятор үш әйелді жаншып кетті

st-prokat.ru

Оқиғаның екі нұсқасы бар.

Алматыда манипулятордың қатысумен ТЖ орын алып, нәтижесінде үш адам зардап шекті, деп хабарлайды Zakon.kz.

Куәгердің айтуынша, оқиға Әйгерім 1 шағын ауданында, "Снедь" дүкенінің жанында орын алған.

- Манипулятор 3 адамды жаншып өтіп, олардың барлығы жансақтау бөлімшесіне түсті. Манипулятордың тіреуіші шығып кетіп, ол осы тіреуішімен үш адамды қағып өтті. Аталған көлік тіреуіші шыққан күйде Рысқұлов пен Школьная көшелерінің қиылысынан бастап жүріп келе жатқан, куәгерлер бар, - дейді автор.

Ал inalmaty.kz порталы манипулятордың адамдарды жаншып өтпегенін, керісінше, оның құлап кетіп, әйелдерді жаншып тастаған жеткізді.

Құрылғыны ұстап тұратын тіреуіштер ағытылып кетіп, нәтижесінде үш әйелге зақым келтірген.

Қоғамдық денсаулық сақтау басқармасының баспасөз қызметі жапа шеккен адамдардың №7 Қалалық клиникалық ауруханасына жатқызылып, қазіргі таңда олардың жан сақтау бөлімшесінде екендігін хабарлап отыр. Ал клиникадағылар әйел адамдардың денсаулықтарына қатысты мәлімет беруге асығар емес.

- Сот-медициналық сараптамасын тағайындайтын боламыз, соған қарай оқиғаны бағалаймыз, - деді Алматы қаласы Полиция департаментінің ресми өкілі Салтанат Әзірбек.

Посмотреть эту публикацию в Instagram

Микрорайон Айгирим 1 возле магазина «Снедь» манипулятор снес 3 человек все в реанимации Брат салам алекум я на счёт дтп в айгериме, брат у манипулятора была выдвинута лапа, он снес людей этой лапой, он ехал с Рыскулова школьная вниз с вытянутой лапой есть свидетели

Публикация от Kris P Brothers (@kris_p_brothers_official) 14 Май 2019 в 4:20 PDT